Admin Admin
المساهمات : 191 تاريخ التسجيل : 16/05/2022
| موضوع: قصيدة عسل الشهدة للشيخ محمد بن سليمان الفاسي الأحد مايو 22, 2022 3:33 pm | |
| قصيدة عسل الشهدة للشيخ محمد بن سليمان الفاسي
الحربة اللّهم صلّي على ابدر لعراش * مول البراق زين الشاش – كحل الرماش البدر الضاوي في ليلة اربعطاش – ضيّو اغشى - زﭬﻠﻢ رعد البين زام وسط الجاش * بين الضلوع زاد انحاش وانتـشاش أنا يا وعدي اليوم ما فيّاش -عقلي مشى - أهواوي بـزعاف كيف لـيّا حاش * ما قدّ فيه حبر يـقاش -ولّى شضاش فاليقشة قلمه مطوّع ألي فاش - خبره فـشا - هو كيـما راد حاكـم المـوناش * أنودّي عقوبته هـشّاش - قوم العراش و نصبّر قـلبي لغنى ينحاش - عند العـشا - هلّـت من مريض عقله طـاش * يبكي و دمعته رشراش - فوق الفراش أصفار لونه ما يذوق طيب معاش - قلبه اخـشى - أنا صرت هبيل ما جبرت أرياش * نمشي الـقبةْ العكـراش - هوّ الـفشاش يتفاجأ همّي مَلْحْزَان و غشاش - مير الحـشا * اللّهمّ صلّي على ابدر لعراش * مول البراق زين الشاش – كحل الرماش البدر الضاوي في ليلت اربعطاش – ضيّو اغـشى * اللـهمّ صلّي على القـريشي * لمجد ضـيا رماشي - زهو الفـشوش * * خـلاّني نرثي مع هراشي * طول الـدجى مغاشي - وحدي نـشوش * * حب احمد جاني صعيب فاشي * و اتـركني بْـلا شي - حاشي وحـوش *
- ما يهنى قـلبي بقول مَنْ وْبـاش * حادوا حديثهم كيـفاش - ايْتَـمّ الهراش من سوق المعنى سرّ ما نبراش - عظمي ارشى - ناري فوق الـنّار خبّـلت لعراش * و أعطى لهيبها لَواش - برق الرياش حارت فيه العاشقين بين أعراش - لـمعـرّشـا - هـلّي يا ربي نطوفها و نفاش * في عشيّتْ الجبل كيفاش - يهـنى الجاش ساكر من فقد الغرام ما نصحاش - جأشي وشى - عدرا فاقت بدر ليلتْ اربعـطاش * بجبيـنها و خد انـشاش - عكري ابهاش و الحاجبين معرقين زوج أحناش - و امحـنّـشا - رقبـتها فُجْرا مسّلسة تـنشاش * و صدر مرمـري دهّـاش - شوفا قماش و النوابغ الباهية كيما المشماش - امْـلَـلّـشا * اللّهم صلّي على ابدر لعراش * مول البراق زين الشاش – كحل الرماش البدر الضاوي في ليلت اربعطاش – ضيّو اغـشى * هلّي يا ربي نسير حايش * الزينة المنـاﭬﺶ - يـاما قريـش * * نتـبختر بزينها الفـايش * بدر الدجى الرايش - نوره بهيـش * * نُصْرَا ما بين زوج غاوش * بقعات و العرايش - كُـدْيا و طيش *
- نسعد بزيـنة الربيعة المشماش * بدر البـدور لاح و رشّ - عْلَى العـراش شعاعه منصوب بين زوج أحباش - نوره اهـشا - عند أركان البيت توجدك لـلاّش * و القـوم واقـفا صرّاش - ضامي عطاش و البقعة متـنصرا مع الشـوّاش - و امـشـلْوْشَا - محفوظة من الغاتبين و النشناش * ليـها من البصر قماش - مصري دعاش و الحجـر الأسود رافد النـوّاش - عطرو افـشى - زمزم ما يخفاك ماه يا من عاش * وْ ذقّ بنّـته و انـحاش - فـوق النعاش يتسمى مرحوم من ذنوبه فـاش - وزره اهـشى - يا ربي ندعيك بيك يا مـوناش * بالعرش والحجوب و فراش - و اللّوح شاش الكرسي و القلم و الميزان نشاش - و ضيّ النْـشا
* اللّهم صلّي على ابدر لعراش * مول البراق زين الشاش – كحل الرماش البدر الضاوي في ليلت اربعطاش – ضيّو اغـشى * يا ربّي ندعيـك بالـدراوش * و أهل اللّغا الفايش - و أهل الصريـش * أبجاه حمزا و خوه باطـش * العبّاس و القرايش - و ابنُ مـشيـش * و ألي خضعت ليه الهوايش * بين الخباء احشايش - تـركو العيـش
- أبجاه الروضة و مقام نور الفاش * سيد الحـرار وْ لـحباش - قـوت المعاش و أصحابه من تَـوّْجوهْ قهـراب رشّ - سيـف الفـشا - أغفر ذنبي يا امضمّر لغـشاش * يوم تكون أرضي فـراش - تحت الدشـاش أرفق بحالي ضعيف ما نقـواش - لسـني وشـى - سْلام الله على لْشياخ دون فشاش * عن مير مهجتي و الجاش - قـد الـرياش و لـطيار اللّي ساكنا لعـشاش - و مـصـرّشة - ما نخشى من قول سيـفي بطّاش * شلوي راكـبو هـشّاش - يبغي النـشاش و عدويا نسقيه ورقـةْ الخشخاش - بـرقه اكـشا - أسمي بين الماهرين ما يخفـاش * و رعدي على الوطاء صرّاش – سـد الحواش بن سليـمان زنجار العدا البـرهاش - ضـدّ الوشاء - ثوب الحلـفا ما تْوَاجْهُه لقماش * و ألي اخصيـص عقله طاش - يبقى بطاش يحسب المعنى تجي من قرقاش - اخيام الرّْشـى
* اللّهم صلّي على ابدر لعراش * مول البراق زين الشاش – كحل الرماش البدر الضاوي في ليلة اربعطاش – ضيّو اغـشى | |
|