Admin
Admin
المساهمات : 191
تاريخ التسجيل : 16/05/2022
 | | موضوع: كًريحة المعزة نظم الشيخ توفيق أبرام الخميس مايو 19, 2022 6:43 pm | |
| كًريحة المعزة نظم الشيخ توفيق أبرام
قولي قولي يالنّايحة واش بلعتي جفّاف
يا نعجة بين خراف
ولا قردة نفنافة
خفت يسمعوك القرود ويقولو معزة تالفة
أه على من شاب فالمواهب ولقا لكراف
هزّوا ليها لكتاف
لبراغز والحسرافا
و يشهدو بالزور مايقبلو فالفن مكاشفة
وسبابي معزة سمعتها عسرية بزاف
جمدوا ليا لطراف
قلت ايا ربي كفى
واهل المرقة والنفاق قالوا نجمة محترفة
ضروني ودني بصوتها جاني بوتفتاف
كنو ضربة منداف
في حانوت الصوّافا
من سعمو يا صاح من ضرّو موحال يتعافى
هادي حتروفة مفرعنة ما دارت باعراف
منفوخة بالتّخراف
كتشبه للجرّافة
واللي صدفاتو يحير هداك وجه ولا قفا
من يوم دخلتي مختلة والملحون خراف
عاش ايامو لعجاف
او ضرباتو تالافة
لوكان تركتيه يا المعزة للناس العارفة
سمعي وستحيي لشي صوات فنانات لطاف
بقصايد علّ اصناف
والنغمات الشنّافة
وانتي يا زعطوط فالغنا ولا غيطة جايفة
شوفي لك حرفة مواتية لاش تهزي لكتاف
بار هتوفك وخراف
كون عملتي شوافة
وانتي طلية مطلّية من لقوادس غارفة
كمن موصيبة بلاتنا ودعينا بالطاف
هادي فاتت لاوصاف
لا سيفة لا ثقافة
وصحاب الإعلام كرّموها بالقاب مختلفة
هي مدفوعة بلا شرع والدّافع يعراف
واللي حاضي ماشاف
كون يشاهد يتفافا
وانا بالمرصاد بالمقارع ومزارب عاصفة
اش داك لساحة النّشاد ونشادك يعداف
يا صيحة في غرّاف
او جرّة دالجّفافة
ولا طاحونة مهرسة ولا فرفارة ناشفة
هدا عار الله بعدي اللي سمعك عاف
ليس كم سمع من شاف
يا قمقوم العلّافة
ولا ضربانة مشوكة أو جرانة خايفة
وانتي سومك طاح بينا فاوزان الشرف
ما بالينا بهتاف
أو اصوات النّكًافا
دوك اللي نفخوك بالسحاسح وشواهد زايفة
وانا ربي جابني نحارب هاد الأصناف
باش يقيلو لاشراف
اهل العلم او لحصافة
ولي تعما ليه عندي ليه صوارخ ناسفة
واسمي فالتوفيق منسبي من خيرة لاشراف
واللي ضاسر يقصاف
من ضربي ما يتشافى
سلواني عيّار ليس يقبل فالحل مناصفة | |
|
