سْرّابة النّْاقَّبْ
نظم الشاعر عبداللطيف خوسي
مَالْك دَاك النَّاقبْ
جْبتي حرف مْعاگبْ
َمايلْ ما جابُو حسابْ
طَايح سُومكْ رَايبْ
وحدة من الغرَايبْ
لا مْركُوبة لا ركَابْ
تْنصب دُون مْوَاجبْ
سارْق طبعك غَالبْ
لاَ شُورة وَالَا صوَابْ
ماجْبتِي حرفك من حْشَاك عَاصرْ
ما تْرجمتِي شْعُورْ
ما قْلْتِي عنّكْ يا سلِيط شَاعرْ
حرف السّرقَة يبُورْ
حظّك نادْب واهيَا النَّاقْبْ
ناسخْ منشُور حاطُّو معطوبْ
من رُوح قَايلُو مسلوبْ
نُسَّاخْ تافهين يْعَابُوا
لْشْوَاهد السّحَاسحْ جَابُوا
الحرف هجّْرُوه عْتَابُو
لمْدرّْحِين في بابُو
بِين الفْحُولْ يُنسَابُوا
حْظّ القبِيحّ خَايب خِيبَة
منبُود ف الحضُورْ و غِيبَة
مهْمَا يْرَى خْيَال وجِيبَة
مْنْ سَاعتُو تْجِيهْ قرِيبَة
الرئيسية 